MATOKEO MAALUM YANAYOTARAJIWA

Kufikia mwisho wa mada, mwanafunzi aweze:-

1. kutamka sauti nne za herufi moja katika kuimarisha stadi ya

kuzungumza,  

• kutambua sauti za herufi moja zilizofunzwa katika maneno ili kuimarisha stadi ya kuzungumza,  
• kutambua majina ya herufi zinazowakilisha sauti lengwa katika kuimarisha stadi ya kusoma, 
• kusoma herufi za sauti moja kwa ufasaha ili kuimarisha stadi ya kusoma,
• kusoma maneno kwa kutumia silabi zinazotokana na sauti lengwa kwa ufasaha ili kuimarisha stadi ya kusoma,
• kusoma vifungu vilivyo na maneno yaliyo na sauti lengwa ili kuimarisha stadi ya kusoma,
• kuandika herufi zinazowakilishwa na sauti lengwa ili kuimarisha stadi ya kuandika,
• kuchangamkia kutumia maneno yanayojumuisha sauti zilizofunzwa katika mawasiliano ya kila siku.

MAPENDEKEZO YA SHUGHULI ZA UJIFUNZAJI

Mwanafunzi aweza kutambua sauti /p/, /f/ na /v/ katika maneno.

• Mwanafunzi asikilize mwalimu akitamka sauti lengwa, kisha atamke pamoja na mwalimu na

mwishowe atamke akiwa peke yake, wawili wawili na kama darasa.

• Mwanafunzi atambue sauti alizosoma katika maneno.
• Mwanafunzi aweza kutumia teknolojia (papaya) kusikiliza matamshi ya sauti lengwa.
• Mwanafunzi atambue herufi zinazowakilisha sauti lengwa kwa kutumia kadi za herufi.
• Mwanafunzi aambatanishe silabi kusoma maneno yanayotokana na sauti lengwa.
• Mwanafunzi atenganishe silabi katika kutambua sehemu mbalimbali za maneno.
• Mwanafunzi aweza kumsikiliza mgeni mwalikwa akitamka sauti lengwa.
• Mwanafunzi asome maneno kwa kutumia silabi au kwa kugawa maneno marefu katika sehemu ndogo ndogo.
• Mwanafunzi aweza  kufinyanga maumbo ya herufi.
• Mwanafunzi aandike herufi za  sauti alizosoma hewani na vitabuni.
• Wanafunzi wasome hadithi zilizo na maneno yaliyobeba sauti lengwa wakiwa wawili wawili. 
• Mwanafunzi aweza kutumia  vifaa vya kiteknolojia kama vile tarakilishi, projekta na kipasasauti kusikiliza na kusoma hadithi.
• Mwanafunzi anakili herufi na maneno yanayotokana na sauti alizofunzwa.
• Mwanafunzi aandike maumbo ya herufi na maneno yaliyo na herufi za sauti alizofunzwa.
• Mwanafunzi asikilize imla inayojumuisha maneno yaliyo na herufi za sauti lengwa na kuyaandika.

MASWALI DADISI

1) Ni sauti zipi unazojua kutamka?

• Unajua kusoma herufi na maneno gani?
• Unajua kuandika herufi na maneno gani?

 Umilisi wa kimsingi unaokuzwa: 

mawasiliano na ushirikiano – wanafunzi wanashiriki katika shughuli za vikundi ujuzi wa kidijitali – matumizi ya teknolojia katika kujifunza.

Uhusiano na masuala mtambuko:  uraia – haki za watoto -wanafunzi wanahamasishwa kuhusu haki zake.                   

Uhusiano na Masomo mengine: Environmental Activities

 Mapendekezo ya shughuli zingine zilizoratibiwa za ujifunzaji:  

• kazi ya vikundi 
• michezo
• nyimbo na mashairi kuhusu haki za watoto.

 Uhusiano na Maadili:  

uwajibikaji haki za kijamii heshima.

Mapendekezo ya shughuli za huduma za kijamii zinazochangia ujifunzaji:  kuwahamasisha wengine katika jamii kuhusu haki za watoto.

Mapendekezo ya Tathmini:

• kuchunguza anavyotamka sauti zilizofunzwa
• kuuliza maswali kuhusu haki za watoto 
• kuchunguza jinsi mwanafunzi anavyojibu maswali ya masimulizi na hadithi na kutoa muhtasari wa hadithi aliyosomewa au kusimuliwa
• kuchunguza jinsi anavyotumia vizuri na vibaya katika sentensi.

Viwango vya Kuzingatia katika Kutathmini

 Kuzidisha Matarajio

Mwanafunzi,

• anatamka sauti lengwa vyema na kwa ukakamavu
• anatambua haki za watoto na kuzitilia maanani katika mawasiliano 
• anatumia msamiati wa haki za watoto kwa ubunifu katika sentensi
• anasoma kwa ufasaha
• anatetea haki za watoto kwa ukakamavu
• anajibu maswali ya ufahamu katika hadithi na masimulizi kwa ubunifu na usahihi 
• anatumia vivumishi vizuri na vibaya kutunga sentensi ifaavyo na kwa ubunifu wa hali ya juu.
• anaandika kwa hati nadhifu.

 Kufikia Matarajio

• Mwanafunzi,
• anatamka sauti lengwa vyema
• anatambua haki za watoto 
• anatumia msamiati wa haki za watoto ifaavyo katika sentensi
• anasoma ifaavyo
• anatetea haki za watoto
• anajibu maswali ya ufahamu katika hadithi na masimulizi kwa usahihi
• anatumia vivumishi vizuri na vibaya kutunga sentensi ifaavyo anaandika kwa hati bora.

Kukaribia Matarajio

Mwanafunzi,

• ana changamoto katika kutamka baadhi ya sauti lengwa vyema
• anatambua haki za watoto 
• ana changamoto katika  kutumia baadhi ya msamiati wa haki za watoto kwenye sentensi
• anasoma baadhi ya kazi anazopewa
• anajibu baadhi ya maswali ya ufahamu katika hadithi na masimulizi kwa usahihi
• ana changamoto  kiasi katika kutumia vivumishi vizuri na vibaya kutunga sentensi ifaavyo
• anaandika kwa hati zinazosomeka.

Mbali na Matarajio

• Mwanafunzi,
• ana changamoto katika  kutamka sauti lengwa
• ana changamoto katika kutambua haki za watoto 
• ana changamoto katika  kutumia msamiati wa haki za watoto kwenye sentensi
• ana changamoto katika kusoma kazi anazopewa
• ana changamoto katika kujibu maswali ya ufahamu kwenye  hadithi na masimulizi kwa usahihi
• ana changamoto katika kutumia  vivumishi vizuri na vibaya kutunga sentensi ifaavyo
• ana changamoto katika kusoma.