MATOKEO MAALUM YANAYOTARAJIWA
Kufikia mwisho wa mada, mwanafunzi aweze:-
- kutambua sauti mbili zinazotamkwa pamoja ili kuimarisha matamshi bora,
- kutamka sauti lengwa ili kuimarisha matamshi bora,
- kusoma silabi za sauti lengwa ili kuimarisha usomaji,
- kuandika silabi zinazotokana na sauti lengwa ili kuimarisha uandishi bora,
- kusoma maneno kwa kutumia silabi zinazotokana na sauti lengwa ili kuimarisha usomaji,
- kuandika maneno kutokana na silabi zilizofunzwa ili
kuimarisha uandishi bora,
- kusoma hadithi zilizo na maneno yaliyo na sauti lengwa ili kumsaidia mwanafunzi kutamka sauti husika na hivyo kuimarisha matamshi na usomaji,
- kuchangamkia kutamka sauti lengwa ili kuimarisha mawasiliano.
MAPENDEKEZO YA SHUGHULI ZA UJIFUNZAJI
- Mwanafunzi atambue sauti bw, fy na kw katika maneno.
- Mwanafunzi asikilize silabi za sauti lengwa zikitamkwa na mwalimu kisha atamke pamoja na mwalimu na baadaye atamke akiwa peke yake, wawili wawili na kama darasa. Mifano ya silabi hizi ni: bwa, bwe; fya, fye; kwa, kwe, kwi n.k.
- Mwanafunzi aweza kutumia teknolojia (papaya) kusikiliza sauti lengwa ikitamkwa.
- Mwanafunzi aweza kusikiliza mgeni mwalikwa akitamka sauti lengwa.
- Mwanafunzi asome maneno kwa kutumia silabi k.v.
bwana, bweka, fyata, fyeka, kwao, kwea na kwekwe.
- Mwanafunzi aandike herufi za sauti alizosoma hewani na vitabuni pamoja na maneno yanayojumuisha sauti hizo.
- Mwanafunzi asikilize imla ya maneno yaliyo na herufi za sauti lengwa na kuyaandika kupitia kwa mwalimu au vifaa vya kiteknolojia.
MASWALI DADISI
- Ni sauti zipi unazoweza kutamka?
- Unajua kusoma sauti zipi mbili zinazotamkwa?
- Unajua kuandika maneno gani yanayoundwa kutokana na sauti mbili zinazotamkwa pamoja?
Umilisi wa kimsingi unaokuzwa:
mawasiliano na ushirikiano – Wanatumia lugha faafu darasani. Vilevile wanashirikiana katika kazi ya vikundi. ujuzi wa kidijitali – matumizi ya teknolojia katika kujifunza.
ubunifu: mwanafunzi napoandika au kusimulia kisa kufikiria kwa kina na kutatua matatizo – mwanafunzi anapojibu maswali ambayo majibu yake hayapatikani moja kwa moja kutoka kwenye kisa hamu ya ujifuzaji – mwanafunzi atapata hamu ya kutaka kujua matumizi ya vifaa vya shambani.
Uhusiano na masuala mtambuko:
elimu ya maendeleo endelevu: athari za majanga – kujua athari za vifaa vya shambani uraia : kuthamini kilimo katika kukuza uchumi wa nchi.
Uhusiano na masomo mengine: Environmental activities
Mapendekezo ya shughuli zingine zilizoratibiwa za ujifunzaji:
kushiriki katika vikundi vya ushirika shuleni vinavyohusu ukulima kushiriki katika kilimo shuleni.
Uhusiano na Maadili:
uwajibikaji katika kutunza vifaa vya shambani kutunza vifaa vya shambani.
Mapendekezo ya shughuli za huduma za kijamii zinazochangia ujifunzaji: kushiriki katika ukulima nyumbani
Kuwahamasisha wengine wa rika lake kuhusu umuhimu wa kilimo.
Mapendekezo ya Tathmini:
- kuhakiki matamshi ya sauti mbili zinazotamkwa pamoja
- kuchunguza anavyotumia msamiati wa shambani katika mawasiliano
- kuchunguza anavyotumia nafsi ya tatu wakati ujao katika mawasiliano • kuchanganua anavyojibu maswali ya kusema na ya kuandika
- kufuatilia mwandiko wake.
Viwango vya Kuzingatia katika Kutathmini
Kuzidisha Matarajio
Mwanafunzi,
- anatamka sauti lengwa kwa ufasaha
- anasimulia shughuli zinazofanyika shambani kwa ubunifu
- anasoma hadithi kwa ufasaha na ukakamavu
- anafahamu kwa urahisi hadithi aliyosoma na kusomewa
- anaandika kisa kifupi kwa hati nadhifu na ubunifu
- anatunga sentensi sahihi akizingatia nafsi ya tatu wakati ujao katika umoja na wingi kila wakati.
Kufikia Matarajio
Mwanafunzi,
- anatamka sauti ipasavyo
- anasimulia shughuli zinazofanyika shambani
- anasoma hadithi kwa ufasaha.
- anafahamu hadithi aliyosoma na kusomewa
- anaandika kisa kifupi kwa hati bora
- anatunga sentensi sahihi akizingatia nafsi ya tatu wakati ujao katika umoja na wingi.
Kukaribia Matarajio
Mwanafunzi,
- anatamka baadhi ya sauti ipasavyo
- anasimulia baadhi ya shughuli za shambani
- anasoma hadithi kwa ufasaha
- ana chamgamoto katika kufahamu hadithi aliyosoma na kusomewa
- anajaribu kuandika kisa kwa hati inayosomeka
- ana changamoto katika kutunga sentensi sahihi akizingatia nafsi ya tatu wakati ujao katika umoja na wingi.
Mbali na Matarajio
Mwanafunzi,
- ana changamoto katika kutamka sauti alizofunzwa
- ana changamoto katika kusimulia shughuli za shambani
- ana changamoto katika kusoma hadithi
- ana chamgamoto katika kufahamu hadithi aliyosoma na kusomewa
- ana changamoto katika kuandika kisa
- ana changamoto katika kutunga sentensi sahihi akizingatia nafsi ya tatu wakati ujao katika umoja na wingi